Ուրեմն, ասում են, միլիոնավոր զոհեր են լինելու. 3

Մարդկությունը կարող է նորից քշվել պատվաստումների ճանապարհով

 

Սկիզբը` այստեղ

Այլևս որևէ կասկած չկա, որ սկսվել է մարդկության դեմ կենսաբանական նոր զենքի կիրառումը` հանձին դեռ 1958թ. առաջին անգամ Աֆրիկայում կապիկների մոտ հայտնաբերված «կապկի ծաղիկ» վարակիչ հիվանդության վիրուսի գենետիկորեն փոփոխված, արհեստականորեն մուտացիայի ենթարկված տարբերակի:

Ընդ որում, խոսքը ոչ թե ԱՄՆ ռազմական գերատեսչության ` Պենտագոնի կողմից ֆինանսավորվող, ուղղորդվող որևէ կենսալաբորատորիայից վթարի, անզգուշության կամ գողության հետևանքով վիրուսի պատահական կամ չնախատեսված արտահոսքի մասին է, այլ, ինչպես վկայում, առնվազն հուշում են մեր կողմից հայտնաբերված կամ նկատված համընկնումները, հայտնի ուժերի` «այս աշխարհի ճարտարապետների» կողմից մարտական վիրուսի կանխամտածված կիրառման:

Կա արևմտյան մի այսպիսի կազմակերպություն` «Միջուկային սպառնալիքի կանխարգելման նախաձեռնություն» («The Nuclear Threat Initiative», նախաձեռնության անվանման հապավումը` NTI), որը, պարզվում է, միայն «միջուկային սպառնալիքի կանխարգելմամբ» չէ, որ զբաղվում է:

NTI-ն աշխարհի բազմաթիվ երկրներում կապկի ծաղկի բռնկումից (2022թ. մայիս) ավելի քան 1 տարի առաջ` դեռ 2021թ. մարտին, Մյունխենի անվտանգության համաժողովի հետ գործընկերությամբ, ուսումնական վարժանք- թրենինգ է անցկացրել, իսկ 2021թ. նոյեմբերին դրա վերաբերյալ որոշ տեղեկություններ հրապարակել  իր պաշտոնական կայքում :

Ինպես արդեն նշել ենք մեր վերլուծականի նախորդած մասում, առկա են մի շարք համընկնումներ, որոնք չեն կարող պատահականություն լինել:

Առաջին. չնայած աշխարհում վարակիչ բազմաթիվ հիվանդությունների առկայությանը, 2022թ. մայիսին կապկի ծաղկի բռնկումից ավելի քան 1 տարի առաջ վարժանք- թրենինգ է անցկացվել է հենց կապկի ծաղկի վերաբերյալ: Այդ մասին տեղեկանում ենք «Strengthening Global Systems to Prevent and Respond to High-Consequence Biological Threats» («Գլոբալ համակարգի ամրապնդում` լրջագույն կենսաբանական սպառնալիքների կանխարգելման ու դրանց արձագանքելու համար») վերտառությամբ NTI-ի վերոնշյալ հրապարակումից:

Երկրորդ. ավելի քան մեկ տարի առաջ ճշգրիտ նշված է հիվանդության բռնկման սկիզբը` «2022 թվականի մայիսի կեսերին»:

Երրորդ. ըստ NTI-ի նույն հրապարակման, որը հիմնված է նախաձեռնության ամբողջական հաշվետվության  վրա, կապկի ծաղկի բռնկումը զարգանալով, վերածվելու է գլոբալ մահացու համավարակի (պանդեմիայի): Ինչպես արդեն տեղեկացրել ենք, ամերիկյան «Առողջապահության համաշխարհային ցանց» (ԱՀՑ) հասարակական կազմակերպությունը հունիսի 22-ին իր կայքում հրապարակված հաղորդագրությամբ  հայտարարել է, որ կապկի ծաղկի հաստատված դեպքերն աշխարհում գրանցվել են 58 երկրում, և որ նաև այդ հանգամանքով պայմանավորված, կապկի ծաղկի բռնկումն արդեն վերածվել է համավարակի: Իրոք, կարելի է ասել, որ նոր համավարակն արդեն իրականություն է:

Չորրորդ. ըստ NTI-ի և Մյունխենի անվտանգության համաժողովի (ՄԱՀ) վարժանք- թրենինգի հորինված սցենարներից մեկի, 2023թ. հունվարի 10-ից հետո կապկի ծաղկի վիրուսը տարածվում է արդեն 83 երկրում, գրանցվում է 70 մլն դեպք, որոնց արդյունքում զոհվում է ավելի քան 1.3 մլն մարդ: Սա համընկնում է հունիսի 22-ին հրապարակված ԱՀՑ-ի զգուշացմանը. «Անգամ ծաղկի համեմատ մահվան ավելի քիչ ցուցանիշներով, քանի դեռ տարածումը կանխող գործողություններ չեն ձեռնարկվել, միլիոնավոր մարդիկ կմահանան, շատերը կկուրանան կամ հաշմանդամություն ձեռք կբերեն» (ընդգծումը` մերը):

Աստված մի արասցե, բայց հաջորդ տարի կարող է պարզվել, որ NTI-ի և ՄԱՀ-ի վարժանք- թրենինգի վերոնշյալ սցենարն ամենևին էլ հորինված չէ, պարզապես ներկայացված է իբրև այդպիսին…

Հինգերորդ. NTI-ի և ՄԱՀ-ի վարժանք- թրենինգի նույն` «հորինված» սցենարի համաձայն` մահացու գլոբալ համավարակի հանգեցնող հիվանդության հարուցիչը (ախտածինը) կապկի ծաղկի վիրուսի անսովոր շտամն է: Սա համընկնում է վերջերս Առողջապահության համաշխարհային կազմակերպության (ԱՀԿ) ղեկավար Թեդրոս Գեբրեյեսուսի ասածին` ի տարբերություն նախկին բռնկումների, վիրուսի ներկա տեսակն իրեն արտասովոր է դրսևորում:

Վեցերորդ. դարձյալ ըստ նույն սցենարի, կապկի ծաղկի վիրուսի անսովոր շտամն առաջին անգամ ի հայտ է գալիս մտացածին (գոյություն չունեցող) Բրինիա երկրում և տարածվում աշխարհով մեկ 18 ամսվա ընթացքում, ինչից կարելի է ենթադրել, որ համավարակն իր բարձրակետին է հասնելու հաջորդ տարեվերջին:

Սցենարի հեղինակները կամ նրանց ետևում կանգնած «խորհրդատուները» «Բրինիա» մտացածին երկրանվամբ նկատի են ունեցել Բրիտանիան, բայց որպեսզի շատ չզռռա հերթական պատուհասի` մարդկության դեմ կանխամտածված, ծրագրված ոճրագործություն լինելը, Բրիտանիայի փոխարեն «Բրինիա» երկրանունն են հորինել և օգտագործել:

Համընկնումն ակնհայտ և անժխտելի է. անցյալ ամսվանից սկսված և արդեն համավարակի վերածված կապկի ծաղկի բռնկման առաջին դեպքի մասին մայիսի 7-ին հաղորդվեց հենց Բրիտանիայից, հիվանդը Նիգերիայից վերադարձած Լոնդոնի բնակիչ էր: Այսպիսով կարող ենք եզրակացնել, որ վիրուսը ոչ միայն արհեստականորեն է ստեղծվել, այլև արհեստականորեն է տարածվել, որովհետև առաջին անգամ Բրիտանիայում վիրուսի անսովոր շտամի ի հայտ գալուց 1 տարի 2 ամիս առաջ վարժանք- թրենինգի համար օգտագործված սցենարում չէին կարող վիրուսի անսովոր շտամի` որպես առաջին անգամ ի հայտ գալու վայր նշել Բրինիան: Մարգարե չէին:

Յոթերորդ. ըստ սցենարի, սկզբնական բռնկումը տեղի է ունեցել ահաբեկչական հարձակման հետևանքով, որն օգտագործել է կենսաանվտանգության անբավարար միջոցներով ու թույլ վերահսկողությամբ լաբորատորիայում ստեղծված ախտածին: NTI-ն ուղղակի և պարզ նշել է, որ հերթական համաշխարհային աղետը կարող է առաջանալ նաև ժամանակակից կենսաբանության գործիքների կանխամտածված չարաշահումից: Ըստ NTI-ի հաշվետվության, բռնկումը բնականորեն չի առաջանում Բրինիայում, տեղական և միջազգային մասնագետներն այս բռնկումը անսովոր են համարում։ Հիմա իրականում հենց այդպես էլ կա, միայն` ոչ թե Բրինիայում, այլ Բրիտանիայում և աշխարհի ավելի քան հինգ տասնյակ պետություններում:

Այո՛, հաշվետվության մեջ ճիշտ է նշված` ահաբեկչություն: Կատարվածը` կապկի ծաղկի վիրուսի` գենոմի արհեստական փոփոխությամբ մուտացիայի ենթարկված տարբերակի տարածումը, մարդկության դեմ ընդհանրապես, և, հնարավոր է, որոշակի պետությունների` Ռուսաստանի ու Չինաստանի դեմ մասնավորապես, կենսաահաբեկչություն է (չմոլորվել այն փաստից, որ բռնկման առաջին դեպքը ոչ թե ՌԴ-ում կամ Չինաստանում է արձանագրվել, այլ Բրիտանիայում, դա կարող է ալիբիի համար լինել):

Այո՛, կապկի ծաղկի վիրուսի անսովոր շտամը կենսալաբորատորիայում է ստեղծված, միայն թե խիստ կասկածում ենք, որ վիրուսն այնտեղից դուրս է հանվել կենսալաբորատորիայի թույլ վերահսկողության, կենսաանվտանգության անբավարար միջոցներ ունենալու հետևանքով և կենսալաբորատորիայի հետ կապ չունեցող ինչ-որ ահաբեկիչների կողմից: Կասկած չունենք, որ դուրս է հանվել ու սկզբնական շրջանում տարածելով, մարդկության դեմ կիրառումը սկսել են հենց այդ կենսալաբորատորիաների իրական տերերն ու նրանց ետևում կանգնած ճիվաղները` «այս աշխարհի ճարտարապետները», այսինքն` ջհուդամասոնական, գլոբալիստական ուժերը: Բիլ Գեյթսն ու Ջորջ Սորոսը նշված ուժերի ներկայացուցիչներից միայն հայտնիներն են…

Ի դեպ, ըստ նույն վարժանք- թրենինգի մեկ այլ սցենարի, համավարակը հանգեցնում է ամբողջ աշխարհում հիվանդության ավելի քան 3 մլրդ դեպքի և 270 միլիոն մահվան: Հաշվետվության մեջ նշված է նաև, որ կապկի ծաղիկը նախագծված է այնպես, որ դիմացկուն է պատվաստանյութի հանդեպ (հավանաբար նկատի ունեն ջրծաղկի դեմ գոյություն ունեցող պատվաստանյութը, որպեսզի նոր ու վտանգավոր պատվաստանյութեր ստեղծեն ու պարտադրեն): Ըստ փաստաթղթի, նմուշների հետազոտությունները ցույց են տալիս, որ վիրուսի «Brinia» շտամը պարունակում է մուտացիաներ, որոնք այն կայուն են դարձնում գոյություն ունեցող պատվաստանյութերի նկատմամբ:

 

Արթուր Հովհաննիսյան