Կրեմլը նշել է Ուկրաինայի համար խաղաղության ծրագրի պայմանները
Կրեմլը չի ծանոթացել Ուկրաինայի հակամարտության կարգավորման պլանին, որը հրապարակվել է ամերիկյան ամսագրում, խաղաղության պլանը հնարավոր է, եթե Կիևը կատարի ռուսական կողմի բոլոր պահանջները, ասել է ՌԴ նախագահի մամուլի քարտուղար Դմիտրի Պեսկովը, փոխանցում է «ՌԻԱ Նովոստին»։
«Ոչ, մենք հնարավորություն չենք ունեցել ծանոթանալու։ Ինչ վերաբերում է խաղաղության պլանին, ապա այո, դա հնարավոր է այն բանից հետո, երբ Ուկրաինան կատարի ռուսական կողմի բոլոր պահանջները»,- ասել է Պեսկովը՝ պատասխանելով լրագրողների այն հարցին, թե հնարավորություն ունեցե՞լ է արդյոք Կրեմլը ծանոթանալու ամերիկյան The National Interest թերթի հոդվածին, որտեղ Ուկրաինայի շուրջ հակամարտության խաղաղ կարգավորման պլան է հրապարակվել։
Հարցին, թե Ռուսաստանի ինչ պահանջների մասին է խոսքը, Պեսկովը պատասխանել է. «Ուկրաինան ամեն ինչ հիանալի գիտի»։
Հիշեցնենք, որ փետրվարի 24-ի առավոտյան ՌԴ նախագահ Վլադիմիր Պուտինը հայտարարել էր Ուկրաինայի ապառազմականացման համար հատուկ ռազմական գործողություն սկսելու մասին։
