Ժողովո՛ւրդ, ոտքի՛, սրանք երկիրը տանում են կործանման (տեսանյութ)
Արմինե Սիմոնյանի «Մենք» հեղինակային հաղորդաշարի հյուրը Լեհաստանում ՀՀ նախկին դեսպան Էդգար Ղազարյանն է։
Արցախում` սովորական արցախցուց մինչև բարձրաստիճան պաշտոնյա, 30 տարի եղել են այն համոզման, որ անկախ այն բանից, թե ինչ է քննարկվում ու բանակցվում Մինսկի խմբի համանախագահների կողմից, ինչ փաստաթուղթ է դրված բանակցային սեղանին՝ վերջին խոսքը Արցախինն է, քանի որ արցախցին է իր ճակատագրի տերը:
Սակայն Ադրբեջանը, համանախագահների քար լռության ներքո, գնաց ուժի կիրառման` պատերազմով պարտադրեց իր լուծումը։
Բայց սա ամենևին չի՛ նշանակում համակերպվել պատերազմի աղետալի հետևանքների հետ, չի՛ նշանակում, որ արցախյան հարցը փակված է, ինչն Ալիևի ցանկությունն է, ու համակերպվել` կնշանակի կատարել Ալիևի ցանկությունը:
Հետևաբար, այսօր առավել քան գործուն պետք է լինի Արցախի իշխանությունը, ավելի շատ պետք է լսվի Արցախի ձայնը: Եթե նախկինում Արցախն իր հույսը դրել էր Հայաստանի վրա՝ որպես Արցախի անվտանգության երաշխավորի, ապա Հայաստանի ներկայիս իշխանությունը վաղուց է ձեռքերը լվացել Արցախից, ավելին`գնում է Արցախը Ադրբեջանին ամբողջությամբ հանձնելու ճանապարհով:
Եվ այս իրավիճակում Արցախի իշխանության պասսիվությունը, վախվորած, անհամարձակ քայլերը, կաշկանդված ու կրավորական կեցվածքը սեփական ճակատագրի հարցում՝ ուղղակի անհասկանալի է։
Ի դեպ, մեկ երկու անատամ ու զգուշավոր հայտարարությունները ոչինչ չեն նշանակում, խոսքս Արցախի ղեկավարության ակտիվ քաղաքականության մասին է, ինչն այս ճակատագրական օրերին չենք տեսնում:
Մանրամասները՝ տեսանյութում