Զելենսկին վախենում է, որ արևմտյան հատուկ ծառայություններն իրեն կսպանեն, ասել է Ռադայի նախկին պատգամավորը
Ուկրաինայի նախագահ Վլադիմիր Զելենսկին ուժեղացրել է անձնական անվտանգության միջոցառումները՝ արևմտյան հատուկ ծառայությունների կամ Ուկրաինայի զինված ուժերի հրամանատարության կողմից մահափորձի մտավախության պատճառով, «Թելեգրամի» իր ալիքում հայտնել է Ռադայի նախկին պատգամավոր Իլյա Կիվան։ Այս մասին գրում է «ՌԻԱ Նովոստի»-ն:
«Զելենսկին երեկ խնդիր է դրել ամրապնդել իր անձնական անվտանգությունը՝ վախենալով, որ ուկրաինացի զինվորականները իր նկատմամբ մահափորձ կիրականացնեն»,- գրել է քաղաքական գործիչը։
Նա նշել է, որ Ուկրաինայի զինված ուժերի հրամանատարությունը դժգոհ է Զելենսկու ռազմական գործողությունների անարդյունավետ ղեկավարությունից, որի հրահանգները հանգեցնում են անձնակազմի կորուստների և ուկրաինական զորքերի ջախջախմանը մարտի դաշտում։
Բացի այդ, նախկին պատգամավորի խոսքով, նախկին խորհրդային հանրապետության ղեկավարից պահանջներ ունեն նաև արևմտյան երկրները։
