Արթուր Վանեցյանի օգնականի նկատմամբ ընտրվել է չհեռանալու մասին խափանման միջոց
«Հայրենիք» կուսակցության խորհրդի անդամ Արսեն Բաբայանը հայտնել է, Արթուր Վանեցյանի օգնական Արամ Գրիգորյանի նկատմամբ ընտրեցին չհեռանալու մասին խափանման միջոց:
«Այնքան անհեթեթ գործ է կարվել, որ նույնիսկ կեղծիքով չկարողացան ձերբակալել:
Շնորհակալություն փաստաբան Երվանդ Վարոսյանին»,-թելեգրամյան իր ալիքում գրել է Բաբայանը։
Հիշեցնենք, որ այսօր խուզարկություն է իրականացվել Արամ Գրիգորյանի բնակարանում: Թեև բնակարանում որևէ բան չէր հայտնաբերվել, բայց Ա. Գրիգորյանը բերման էր ենթարկվել։
Փաստաբան Երվանդ Վարոսյանը լրագրողներին ասել էր, որ խնդիրը վերաբերում է մի տեսագրության, որ Արամը ձմռանը մուրացկաններին փող է բաժանում։
«Արամ Գրիգորյանը բերման է ենթարկվել հայտնի կասկածանքով՝ հավաքի մասնակիցներին նյութապես շահագրգռելը»,-ոստիկանության մոտ լրագրողների հետ զրույցում ասել էր նա։