Ալժիրին չի հաջողվի փրկել Եվրոպային ու ազատել ռուսական գազի կախվածությունից․ Rai Al Youm
Ալժիրին չի հաջողվի փրկել Եվրոպան ու ազատել ռուսական գազի կախվածությունից, գրում է բրիտանական Rai Al Youm թերթը՝ վկայակոչելով փորձագիտական կարծիքը։
Խմբագրականում հրատարակչությունն ընդգծում է, որ ԱՄՆ-ը, Ֆրանսիան, Իտալիան և Գերմանիան այժմ այլընտրանք են փնտրում Ռուսաստանից մատակարարումների համար և որպես հնարավոր տարբերակ դիտարկում են հյուսիսաֆրիկյան երկիրը։ Ինչպես նշել է էներգետիկ փորձագետ Ջորջ Զաքմանը, Ալժիրը չի կարողանա ավելի շատ կապույտ վառելիք տրամադրել, թեկուզ տպավորիչ պաշարներով։
«Չնայած եվրոպացիների ակնկալիքներին, էներգետիկ փորձագետները չեն ակնկալում, որ Ալժիրը կկարողանա փրկել Եվրոպան և ազատել ռուսական գազի կախվածությունից»,- ասվում է հրատարակության մեջ։
Մեկնաբան Սիրիլ Ֆեդերսհոֆենն ընդգծել է, որ Եվրոպայի էներգառեսուրսների հիմնական մատակարար դառնալու որոշումը բացասաբար կանդրադառնա Ալժիրի և Մոսկվայի հարաբերությունների վրա։
«Դեռ պարզ չէ, թե ինչպես կարող է ալժիրյան գազը իրական այլընտրանք դառնալ ռուսական գազին: Ալժիրը տառապում է արտահանման լճացումից՝ նավթի և գազի ոլորտում ներդրումների բացակայության և ներքին մեծ պահանջարկի պատճառով», – նշել է Ֆեդերսհոֆենը:
Rai Al Youm-ի հեղինակները հիշեցրել են ՌԴ արտգործնախարար Սերգեյ Լավրովի այցը երկիր, որը վերահաստատել է Ալժիրի հետ բարեկամական հարաբերություններին իր հավատարմությունը և կանխել է հյուսիսաֆրիկյան այդ երկրից գազ օգտագործելու Արևմուտքի ցանկությունը։
