«Ուրախ» ավտոբուս․ շուտով 3 ժամը լրանում է, իսկ ոստիկանության բաժիններում տեղ չկա
Աժ պատգամավոր Էլինար Վարդանյանը ֆեյսբուքյան էջում գրել է․
«Սա «ուրախ» ավտոբուսն է: Մոտավորապես 8 անց 30-ից այս ավտոբուսում մեր քսանից ավելի քաղաքացիներն են: Նրանց բերման են ենթարկում անհնազանդության խաղաղ ակցիայից: Այս ավտոբուսը հասցրել է լինել Արաբկիրի, Զեյթունի բաժիններում, փորձել է շեղվել դեպի Մասիվ, հետո մտափոխվել է, այնուհետև Էրեբունի բաժին, բայց էլի ապարդյուն: Ոստիկանության այս բաժինները մեր բերման ենթարկվածներին չեն ընդունում, տեղ չկա: Չգիտեմ, թե ուր կտանի ճանապարհը «ուրախ» ավտոբուսին, բայց շուտով 3 ժամը լրանում է: Բարի ճանապարհորդություն, ընկերներ: Հուսամ հասցրեցիք հիանալ Երևանի գեղեցկությամբ:
Հ.Գ. վերջին տվյալներով «ուրախ» ավտոբուսները 3-ն են կամ միգուցե ավելին»,-գրել է պատգամավորը՝ հրապարակելով լուսանկար։
