ՀԱՊԿ երկրների ղեկավարները Մոսկվայի գագաթնաժողովից հետո մի շարք փաստաթղթեր են ընդունել
Հավաքական անվտանգության պայմանագրի կազմակերպության (ՀԱՊԿ) երկրների ղեկավարները երկուշաբթի օրը Ռուսաստանի մայրաքաղաքում կայացած գագաթնաժողովից հետո մի շարք բազմակողմ փաստաթղթեր են ստորագրել։ Այդ մասին հայտնում է ՏԱՍՍ-ը:
Դրանց թվում է ՀԱՊԿ Հավաքական անվտանգության խորհրդի հայտարարությունը բուն պայմանագրի 30-ամյակի և ասոցացման 20-ամյակի կապակցությամբ։
Ինչպես ավելի վաղ ասել էր ՌԴ նախագահ Վլադիմիր Պուտինը, նախատեսվում է, ի թիվս այլ հարցերի, ստորագրել համատեղ հայտարարություն, որը, հաշվի առնելով Ղազախստանում խաղաղապահ գործողության ընթացքում ձեռք բերված փորձը, կհաստատի ՀԱՊԿ երկրների վճռականությունը՝ շարունակելու գործընկերային համագործակցությունը ռազմական և պաշտպանական զարգացման, տարբեր ոլորտներում միջազգային ասպարեզում համակարգված գործողությունների ավելացման համար:
Հանդիպմանը մասնակցել են Վլադիմիր Պուտինը, Նիկոլ Փաշինյանը, Ալեքսանդր Լուկաշենկոն, Կասիմ-Ժոմարտ Տոկաևը, Ղրղզստանի նախագահ Սադիր Ջապարովը և Տաջիկստանի նախագահ Էմոմալի Ռահմոնը։
