Այսօր ավտոերթի 91 մասնակից բերման է ենթարկվել
Այսօր վաղ առավոտյան Երևանում 5 տարբեր ուղղություններով մեկնարկած ավտոերթի մասնակիցները ավտոերթի գրեթե ավարտին բերման ենթարկվեցին, իսկ նրանց մեքենաները տարվեցին տուգանային հրապարակ։
ՀՀ ոստիկանության հասարակայնության հետ կապի և լրատվության վարչությունը տեղեկացրել է, ավտոերթի մասնակիցներից 91 անձ բերման է ենթարկվել։
Տուգանային հրապարակ տեղափոխված մեքենաների թիվը չի հստակեցվել, քանի որ դեռևս շարունակվում է մեքենաների տեղափոխումը տուգանային հրապարակ։
Քաղաքացիները բերման են ենթարկվել վարչական իրավախախտումների վերաբերյալ օրենսգրքի 182 հոդվածով նախատեսված արարքի համար (ոստիկանության ծառայողի օրինական պահանջը չկատարելը):