Արցախում ադրբեջանական ռազմական շարասյան մեքենան հրել ու ձորակն է գցել հայկական տաքսին
Արցախում ադրբեջանական ռազմական շարասյան մեքենան հրել ու ձորակն է գցել հայկական տաքսին, ֆեյսբուքյան իր էջում գրել է ռազմական փորձագետ Կարեն Վրթանեսյանը:
Նա նշել է, որ զոհեր ու տուժածներ չկան։
Ավելի վաղ Խաչատուր Հայրապետյանը գրել էր․«Էսօր ես ու Անուշը խելոք մեզ համար գնում էինք Հաթերք, որ մաքսիմում շատ ուսանող Թումոյում ուսման հնարավորություն ունենա: Ու վդրուգ, ոչ էս կողմ, ոչ էն կողմ՝ էն ոչխարների հոտից մեկը տենց ակուռատնի շպրտեց մեզ ձորը, ու եթե մեր տաքսու վարորդը չլիներ հմուտ, հաստատ դժվար էս պոստը անեի կամ անելուց նենց լավ դժվարությամբ ու ուշ: Ասեմ, որ լավ էլ նագլի բախվեց ու ՉԿԱՆԳՆԵՑ, չնայած նրան, որ ոչ թե ուղղակի մեզ բախվեց, այլ մինչև վերջ բրթեց-գցեց ձորը…
– Բարեկամությո՞ւն: Չեմ լսել, մենակ Մետրոյի կանգառը գիտեմ, եղբայր։
Բայց էդ մեզ չկանգնեցրեց մեր #Թումո միսիայից ու մեկ ա՝ հասանք Հաթերք ու ավելի շատ ուսանող հնարավորություն ստացավ հաճախելու #Թումո` նոր հմտություններ ձեռք բերելու։
Հետևություն`
Չպիտի ինչ-որ անհատ կամ հիվանդ հասարակություն կանգնեցի մեզ մեր իրական գաղափարից։
Հույս չունենաք… Սխալ մարդկանց են ռաստ եկել)», – մասնավորապես գրել է նա։
