Խաղաղության պայմանագիրը նշանակում է Ղարաբաղի խնդրի լուծում․ Արմեն Գրիգորյան
Ադրբեջանի հետ խաղաղության պայմանագիրը նշանակում է նաև ղարաբաղյան խնդրի լուծում։ Այս մասին մայիսի 5-ին լրագրողների հետ զրույցում ասաց Հայաստանի անվտանգության խորհրդի քարտուղար Արմեն Գրիգորյանը։
Նրա խոսքով՝ Հայաստանն այս որոշումը տեսնում է Ղարաբաղի հայերի անվտանգության ու իրավունքների ապահովման մեջ։ «Ելնելով դրանից՝ անհրաժեշտ է ընդունել Ղարաբաղի կարգավիճակը, և դրա հիման վրա պետք է լինեն անվտանգության երաշխիքներ։ Մենք չգիտենք, թե ինչ ինստիտուցիոնալ երաշխիքներ կլինեն։ Եթե գանք որոշման ու տեսնենք, որ հայության անվտանգությունն ու իրավունքները ապահովված են, կհամաձայնենք»,-ասաց Գրիգորյանը։
Նա հավելեց, որ ի պատասխան Ադրբեջանի հինգ կետերի՝ ստացվել են Հայաստանի առաջարկները՝ բաղկացած վեց կետերից։ «Այս երկու փաթեթները պետք է համադրվեն և քննարկումներ սկսվեն։ Այս հարցում ըմբռնում կա ինչպես Ադրբեջանի, այնպես էլ մյուս միջազգային գործընկերների կողմից։ Հայաստանը նշել է, որ համապարփակ խաղաղության պայմանագիր ունենալու համար պետք է լուծվի նաև Ղարաբաղի հարցը։ Ես չեմ տեսել, որ Բաքուն հրապարակավ մերժի մեր առաջարկները»,-ընդգծեց պաշտոնյան։
