Հնդկաստանը հրաժարվել է ընդունել Ուկրաինային օգնություն տանող ճապոնական ինքնաթիռը
Հնդկաստանը հրաժարվել է ընդունել Ճապոնիայի ինքնապաշտպանության ուժերի ինքնաթիռը, որը օգնություն է տեղափոխում Ուկրաինա, հայտնում է «Կիոդո» գործակալությունը։ Գրում է «ՌԻԱ Նովոստին»:
Ապրիլի վերջին ինքնաթիռը ՄԱԿ-ի փախստականների հարցերով հանձնաժողովի միջոցով պետք է մարդասիրական օգնության բեռ տաներ Ուկրաինա հարևան երկրներ՝ Լեհաստան և Ռումինիա։ Դրա համար որպես տարանցիկ կետեր օգտագործվում են Հնդկաստանը և Արաբական Միացյալ Էմիրությունները։
Դելիի հետ հարցը կարգավորվել է աշխատանքային մակարդակով, սակայն ապրիլի 20-ին մերժում է ստացվել։ Հնդկաստանի իշխանությունները որպես պատճառ նշել են անբավարար համաձայնությունը։ Հարցի վերաբերյալ վերջնական որոշումը կկայացվի ուրբաթ օրը։
Հնդկաստանի մերժման և ծրագրերում փոփոխություններ կատարելու անհրաժեշտության հարցը քննարկվել է իշխող Լիբերալ-դեմոկրատական կուսակցության քաղխորհրդում, որի մասնակիցներից «Կիոդոն» տեղեկացել է խնդրի մասին։
