«Մոդերնան» հետ է կանչել 765 հազար դեղաչափ պատվաստանյութ. «Ռոյթերս»
Ամերիկյան «Մոդերնա» ընկերությունը հետ է կանչել կորոնավիրուսային հիվանդության դեմ պատվաստանյութի 764 900 չափաբաժին այն բանից հետո, երբ սրվակներից մեկում օտար մարմին է հայտնաբերվել: Այս մասին գրում է ՏԱՍՍ-ը հղում անելով «Ռոյթերս»-ին։
Տեղեկատվության համաձայն, օտար մարմին է հայտնաբերվել խմբաքանակի միայն մեկ սրվակում, որն արտադրվել է իսպանական Rovi պայմանագրային արտադրող ընկերության կողմից։ «Մոդերնա»-ն հայտարարել է, որ չեն կարծում, թե աղտոտումը վտանգ է ներկայացնում այլ չափաբաժինների համար, և որ ամբողջ խմբաքանակը հետ կանչելու որոշումը կայացվել է՝ ելնելով ծայրահեղ զգուշությունից։
