Ռուսաստանը թռիչքների արգելքը երկարաձգեց մինչև ապրիլի 13-ը
«Ռոսավիացիան» յոթերորդ անգամ երկարացնում է թռիչքների արգելքը ՌԴ-ի կենտրոնական մասի և հարավի 11 օդանավակայաններում. այս անգամ՝ մինչև ապրիլի 13-ը, հաղորդել է «Ինտերֆաքս» գործակալությունը:
«Մինչև ապրիլի 13-ը Մոսկվայի ժամանակով 03:45-ը երկարացվել է թռիչքների ժամանակավոր սահմանափակման ռեժիմը Ռուսաստանի 11 օդանավակայաններում՝ Անապայի, Բելգորովի, Բրյանսկի, Վորոնեժի, Գելենջիկի, Կրասնոդարի, Կուրսկի, Լիպեցկի, Դոնի Ռոստովի, Սիմֆերոպոլի և Էլիստայի»,-ասվում է գերատեսչության հաղորդագրության մեջ: Այդ քաղաքներ ուղևորների տեղափոխումը կազմակերպելու համար ավիաընկերություններին առաջվա պես հանձնարարվում է օգտագործել Սոչիի, Վոլգոգրադի, Միներալնիե Վոդիի, Ստավրոպոլի և Մոսկվայի օդանավակայանները:
Ռուսաստանի մյուս օդանավակայանները, ներառյալ միջազգայինները, աշխատում են սովորական ռեժիմով, հավաստիացրել են գերատեսչությունում: Թռիչքների սահմանափակումները ՌԴ-ի ներսում մտցվել են «Ռոսավիացիա»-ի կողմից փետրվարի 24-ին՝ Ուկրաինայում Ռուսաստանի ռազմական գործողության սկսվելու օրը: Ավելի ուշ դրանք մի քանի անգամ երկարացվել են:
