Հարավային Օսիայի մուտքը Ռուսաստան այժմ իրական է. ասել է Հարավային Օսիայի ղեկավարը
Հարավային Օսիայի մուտքը Ռուսաստան այժմ իրական է, «ՌԻԱ Նովոստիին» տված հարցազրույցում ասել է Հարավային Օսիայի ղեկավար Անատոլի Բիբիլովը։
Ավելի վաղ նա ասել էր, որ Ցխինվալը շուտով օրինական քայլեր կձեռնարկի՝ Ռուսաստանի մաս դառնալու համար։ Նրա խոսքով, այժմ խորհրդակցություններ են ընթանում Մոսկվայի հետ, հանրաքվեն կարող է տեղի ունենալ ապրիլի 10-ից հետո։
«Այսօր կա հնարավորությունների պատուհան, այսօր մենք ևս մեկ անգամ շեշտում ենք, որ Հարավային Օսիայի ժողովրդի՝ Ռուսաստանի Դաշնությանը միանալու դարավոր, իրականում ցանկությունն իրական է: Մենք պարզապես չենք կարող բաց թողնել այս հնարավորությունը»,- ասել է Բիբիլովը։
Միաժամանակ Հարավային Օսիայի ղեկավարը հորդորել է հանրաքվեի անցկացումը չկապել Ուկրաինայում ռուսական հատուկ գործողության ավարտի հետ։
Հիշեցնենք, որ LIVEnews.am-ը ավելի վաղ տեղեկացրել է, որ Հարավային Օսիայի՝ Ռուսաստանի կազմ մտնելու վերաբերյալ հանրաքվեն տեղի կունենա ապրիլի 10-ին նշանակված նախագահական ընտրություններից հետո:
Հարավային Օսիայի սահմանադրական օրենքի համապատասխան՝ նախագահը որոշում է կայացնում հանրաքվե անցկացնելու մասին, որում նա որոշում է հանրաքվեի անցկացման օրը։ Քվեարկությունը կարող է նշանակվել ցանկացած հանգստյան օր՝ հրամանի հրապարակման օրվանից երկուսից երեք ամսվա ընթացքում։
