Ամերիկացի լրագրողը կարծում է, որ Կիևը Վաշինգտոնին մղում է մասնակցել ռազմական գործողություններին
Ուկրաինայի իշխանությունները, ուկրաինական Բուչա քաղաքում իրադարձությունների մասին քարոզչական տեսանյութերի հրապարակման միջոցով, փորձում են մղել ԱՄՆ-ին և ՆԱՏՕ-ին մասնակցել ռազմական գործողություններին, ամերիկյան լրատվամիջոցները պատշաճ կերպով չեն ստուգում Կիևից եկող տեղեկատվությունը։ Այս կարծիքը կիրակի օրը «Թվիթերում» հայտնել է ամերիկացի լրագրող և մեկնաբան Մայքլ Թրեյսին, որը համագործակցել է մի շարք հրատարակչությունների հետ: Գրում է ՏԱՍՍ-ը:
«Ամերիկյան ԶԼՄ-ները շաբաթներ շարունակ ուրախությամբ վերցնում են լուսանկարներ, տեսանյութեր, ուկրաինական կառավարության պնդումները և ներկայացնում որպես հաստատված փաստ: Նրանք մոռացել են լրագրության բոլոր չափանիշները, որպեսզի նպաստեն մեկ այլ երկրի կառավարության քարոզչական ջանքերին, բացահայտորեն ռազմական գործողությունների մղելով ԱՄՆ-ն»,- կարծում է Թրեյսին։
«ԱՄՆ/ՆԱՏՕ-ին ռազմական միջամտության մեջ գայթակղելու այս վերջին փորձը առանձնանում է աննրբանկատությամբ»,- ասել է լրագրողը՝ մեկնաբանելով Կիևի կողմից տեսանյութերի հրապարակումը, որոնք իբր վկայում են Կիևի շրջանի Բուչա քաղաքում ռուս զինվորականների հանցագործությունների մասին։
«Թվում է, թե մենք մտնում ենք Միացյալ Նահանգների կողմից ռազմական միջամտության լոբբինգի նոր փուլ: Ինչպես միշտ, դա սնվում է էմոցիոնալ պոռթկումներով՝ ի պատասխան Ուկրաինայի կառավարության նպատակաուղղված ռազմական քարոզչության, որը լրագրողներն ու «փորձագետները» կրկնում են որպես հաստատված փաստ»,- ընդգծել է Թրեյսին։
Հիշեցնենք, որ փետրվարի 24-ի առավոտյան ՌԴ նախագահ Վլադիմիր Պուտինը հայտարարել էր Ուկրաինայի ապառազմականացման համար հատուկ ռազմական գործողություն սկսելու մասին։
