Դաշնակիցները երես են թեքել Բայդենից Պուտինի մասին խոսքերից հետո. «Բլումբերգ»
ԱՄՆ նախագահ Բայդենի հակառուսական հռետորաբանությունը մարտի 26-ին Վարշավայում իր ելույթի ժամանակ սուր դժգոհություն է առաջացրել երկրի ամենամոտ գործընկերների շրջանում, գրում է Bloomberg-ի սյունակագիր Թոնի Չուչկան։
Ինչպես նշել է լրագրողը, արևմտյան շատ քաղաքական գործիչների դուր չեն եկել Սպիտակ տան ղեկավարի ոչ դիվանագիտական հայտարարություններն ընդդեմ ՌԴ առաջնորդ Վլադիմիր Պուտինի։
Դաշնակիցները նախազգուշացրել են Բայդենին Մոսկվայի հետ պոտենցիալ վտանգավոր առճակատման հրահրման մասին: Ֆրանսիայի նախագահ Էմանուել Մակրոնը և Միացյալ Թագավորության կառավարությունը փորձել են հեռու մնալ նրա շոկային ելույթից, կարծում է հոդվածագիրը։
Ավելի վաղ Բայդենը Լեհաստան կատարած այցի ժամանակ ասել էր, որ Ուկրաինան երբեք հաղթանակ չի լինի Մոսկվայի համար, իսկ Ռուսաստանի առաջնորդը չի կարող մնալ իր պաշտոնում։ Ավելի ուշ Սպիտակ տունը բացատրել է, որ ԱՄՆ նախագահը նկատի չի ունեցել Ռուսաստանում իշխանափոխություն, իսկ հետո Բայդենն ինքը բացասական է պատասխանել համապատասխան հարցին։
Կրեմլի խոսնակ Դմիտրի Պեսկովը, ի պատասխան ԱՄՆ առաջնորդի վարշավյան ելույթի, հիշեցրել է, որ Միացյալ Նահանգների նախագահը չէ, որ պիտի որոշի, թե ով կլինի Մոսկվայում իշխանության ղեկին, քանի որ պետության ղեկավարին ընտրում են ռուսները։
Հիշեցնենք, որ փետրվարի 24-ի առավոտյան ՌԴ նախագահ Վլադիմիր Պուտինը հայտարարել էր Ուկրաինայի ապառազմականացման համար հատուկ ռազմական գործողություն սկսելու մասին։
