Կասեցվել է Սևանի ափին «Ոսկե լողափ» հանգստի գոտու գործունեությունը. տեսչական մարմին

Բնապահպանության և ընդերքի տեսչական մարմնի տեսուչները վերստուգում են իրականացրել և պարզել, որ «Օնիկ Գասպարյան» ԱՁ-ը չի կատարել խախտումները վերացնելու մասին նախկինում տրված հանձնարարականը։

Տեսչական մարմնից հայտնում են, որ Սևանա լճի ափամերձ տարածքում «Օնիկ Գասպարյան» ԱՁ-ի կողմից սպասարկվող «Ոսկե լողափ» հանգստի կազմակերպման և սպասարկման գոտու գործունեությունը կասեցվել է՝ մինչև շրջակա միջավայրի վրա ազդեցության փորձաքննության դրական եզրակացություն ձեռք բերելը:

Նաև նշանակվել է վարչական տուգանք։