Ռուսաստանը և Ուկրաինան ձերբակալվածների փոխանակում է իրականացրել
Ռուսաստանը և Ուկրաինան իրականացրել են ձերբակալվածների փոխանակում, հայտնել է ՌԴ ԱԳՆ պաշտոնական ներկայացուցիչ Մարիա Զախարովան, գրում է «ՌԻԱ Նովոստիին»։
«Միևնույն ժամանակ ՌԴ ՊՆ-ը ամեն օր կազմակերպում է մարդասիրական միջանցքներ և խաղաղ բնակիչների տարհանում բնակավայրերից»,- ասել է Զախարովան ԱԳՆ կայքում հրապարակված մեկնաբանությունում։
Նշվում է, որ Ռուսաստանի Դաշնության և Ուկրաինայի միջև արդեն իրականացվել է ձերբակալվածների երկու փոխանակում։
«Սակայն ԵՄ-ը ոչ մի կերպ չի ազդում Կիևի վրա, որպեսզի ուկրաինացի ազգայնականները չթաքնվեն խաղաղ քաղաքացիների հետևում՝ որպես «մարդկային վահան» և չարգելափակեն նրանց մուտքը դեպի Ռուսաստան»,- ասվում է ԱԳՆ կայքի մեկնաբանության մեջ։