Մենք կորցրել ենք Ռուսաստանի և Արևմուտքի մերձեցման հնարավորությունը․ Բորել
Արևմուտքը սխալ է թույլ տվել՝ Ուկրաինային խոստանալով անդամակցություն ՆԱՏՕ-ին, կարծում է ԵՄ արտաքին գործերի և անվտանգության քաղաքականության հարցերով գերագույն ներկայացուցիչ Ժոզեպ Բորելը։ ՏԱՍՍ-ի փոխանցմամբ՝ այս մասին նա հայտարարել է LCI հեռուստաալիքին տված հարցազրույցում։
«Կան պահեր, երբ մենք կարող էինք ավելի լավ գործել: Օրինակ, մենք առաջարկել ենք մի բան, որը չենք կարող երաշխավորել, մասնավորապես Ուկրաինայի մուտքը ՆԱՏՕ, դա երբեք չի իրականացվել: Ես կարծում եմ, որ սխալ էր տալ խոստումներ, որոնք չէինք կարող իրագործել»,- ասել է նա։
Բացի դրանից, եվրոպական դիվանագիտության ղեկավարը խոստովանել է, որ Արևմուտքը սխալներ է թույլ տվել Ռուսաստանի հետ հարաբերություններ կառուցելիս։ «Այսպիսով, մենք կորցրել ենք Ռուսաստանի և Արևմուտքի մերձեցման հնարավորությունը, որպեսզի այն պահենք»,- ասաց նա։
