Այսօր թշնամու գնդակից զոհված 33–ամյա Հրաչ Մանասերյանը Գորիսի Ակներ համայնքից էր, 2 անչափահասի հայր
Այսօր հայ-ադրբեջանական սահմանի արևմտյան հատվածում տեղակայված հայկական մարտական դիրքերի ուղղությամբ հակառակորդի արձակած գնդակից զոհված պայմանագրային զինծառայող, սերժանտ 33-ամյա Հրաչ Մանասերյանը Սյունիքի մարզի Գորիս համայնքի Ակներ բնակավայրից է, ընտանիքով բնակվում էր Արարատի մարզում, ամուսնացած է, ունի 2 երեխա։
Հրաչ Մանասերյանը 44–օրյա պատերազմի մասնակից է։
ՊՆ տեղեկացմամբ, հրազենային վիրավորում է ստացել մեկ այլ զինծառայող, ում կյանքին այս պահին վտանգ չի սպառնում։
