ՌԴ-ը լռության ռեժիմ է հայտարարել և բացել է հումանիտար միջանցքներ
Ռուսական կողմը լռության ռեժիմ է հայտարարել և հումանիտար միջանցքներ է բացել Մարիուպոլի և Վոլնովախայի բնակիչների համար։
Այս մասին շաբաթ օրը լրագրողներին հայտնել են Ռուսաստանի Դաշնության պաշտպանության նախարարությունից, փոխանցում է ՏԱՍՍ-ը։
«Այսօր՝ մարտի 5-ին Մոսկվայի ժամանակով առավոտյան ժամը 10-ից ռուսական կողմը լռության ռեժիմ է հայտարարում և հումանիտար միջանցքներ է բացում Մարիուպոլից և Վոլնովախայից խաղաղ բնակիչների դուրս բերման համար»,- հայտնել են գերատեսչությունում:
ՌԴ ՊՆ-ն պարզաբանել է, որ հումանիտար միջանցքներն ու դուրս բերման երթուղիները համաձայնեցվել են ուկրաինական կողմի հետ:
Հիշեցնենք, որ փետրվարի 24-ի առավոտյան ՌԴ նախագահ Վլադիմիր Պուտինը հայտարարել էր Ուկրաինայի ապառազմականացման համար հատուկ ռազմական գործողություն սկսելու մասին։ Ռազմական գործողությունները շարունակվում են։