Բաքվում փլուզվել է կառուցվող տուն. փլատակների տակ մարդիկ են մնացել
Փետրվարի 24-ին Բաքվի Նարիմանովի շրջանում փլուզվել է կառուցվող տուն։ Այս մասին «ՌԻԱ Նովոստիի» տեղեկացմամբ, հաղորդել է Ադրբեջանի գլխավոր դատախազությունը։
Ներկայում դեպքի վայր են մեկնել դատախազության աշխատակիցները, նրանք պարզում են կատարվածի պատճառները։
«Նախնական տվյալներով՝ մի քանի մարդ տուժել է փլուզման հետեւանքով։ Հանրությանը կտրամադրվի լրացուցիչ տեղեկություն»,- ասվում է հաղորդագրությունում։
ԶԼՄ-ների տեղեկություններով՝ փլատակների տակ մարդիկ են մնացել։