Թուրք բանագնացը հայկական կողմի հետ հանդիպումից առաջ այցելել է Պոլսո Հայոց պատրիարքարան

Հայ-թուրքական հարաբերությունների կարգավորման գործընթացում Թուրքիայի բանագնաց Սերդար Քըլըչը Վիեննայում հայկական կողմի հետ հանդիպումից առաջ այցելել է Պոլսո Հայոց պատրիարքարան։

Ինչպես տեղեկանում ենք Պոլսո Հայոց պատրիարքարանից, Սերդար Քըլըչը Պոլսո Հայոց պատրիարք, արք. Սահակ Մաշալյանի հետ հանդիպմանը նշել է, որ գոհ է հայկական կողմի բանագնաց Ռուբեն Ռուբինյանի հետ առաջին հանդիպման արդյունքներից։

Հայոց պատրիարքն իր հերթին գոհունակություն է հայտնել Սերդար Քըլըչի այցելության կապակցությամբ և մաղթել հաջողություններ երկկրող հարաբերությունների կարգավորմանն ուղղված աշխատանքներում։