ՄԱԿ անվտանգության խորհուրդն սկսել է քննարկել Ուկրաինայում ստեղծված իրավիճակը
ՄԱԿ անվտանգության խորհուրդը երկուշաբթի երեկոյան սկսել է քննարկել Ուկրաինայում ստեղծված իրավիճակը։
Ալբանիայի, Մեծ Բրիտանիայի, Իռլանդիայի, Մեքսիկայի, Նորվեգիայի, ԱՄՆ-ի, Ուկրաինայի և Ֆրանսիայի նախաձեռնությամբ գումարված մարմնի նիստը սկսվել է տեղական ժամանակով ժամը 21:00-ին (Մոսկվայի ժամանակով 05:00-ին): Ռուսաստանի անունից մասնակցում է ՄԱԿ-ում Ռուսաստանի մշտական ներկայացուցիչ Վասիլ Նեբենզիան, իսկ Ուկրաինայի անունից՝ համաշխարհային կազմակերպությունում երկրի մշտական ներկայացուցիչ Սերգեյ Կիսլիցան։ Գրում է ՏԱՍՍ-ը:
Հանդիպումն անցկացվելու է բաց ձևաչափով։ Նախատեսվում է, որ սկզբում ելույթ կունենա ՄԱԿ-ի գլխավոր քարտուղարի քաղաքական հարցերով տեղակալ Ռոզմարի Լի Կարլոն։
Ուկրաինայի արևելք շփման գծում իրավիճակը սրվել է փետրվարի 17-ին։ Դոնեցկում և Լուգանսկում հաղորդել են Ուկրաինայից վերջին ամիսների ամենաակտիվ գնդակոծության մասին: Նրանք վնաս են հասցրել մի շարք քաղաքացիական ենթակառուցվածքների օբյեկտներին։
Ռուսաստանի նախագահ Վլադիմիր Պուտինը երկուշաբթի օրը անցկացրել է ՌԴ Անվտանգության խորհրդի նիստ, որի անդամները հանդես են եկել Դոնեցկի և Լուգանսկի ժողովրդական հանրապետությունների անկախության ճանաչման օգտին։ Ավելի ուշ Ռուսաստանի ղեկավարը հայտարարեց Դոնեցկի և Լուգանսկի ինքնիշխանության ճանաչման մասին։ Նրանց ղեկավարների հետ ստորագրվել են բարեկամության, համագործակցության և փոխօգնության պայմանագրեր։