Իշխանությունները լրիվ գժվե՞լ են, թե, այնուամենայնիվ ինչ-որ ուրիշ բան կա, բայց մեզ չեն ասում, որ մեր տրամադրությունը չգցեն
Սա արդեն կատարյալ հակապետական խելագառություն է։
Եթե Հայաստանի Հանրապետության իշխող ուժը խուսափում է դատապարտել թուրք-ադրբեջանական ոհմակի կողմից ընդունված հակահայկական փաստաթուղթը, ապա շատ պարզ հարց է առաջանում, ինչո՞ւ… և դա այն պարագայում, որ ՀՀ ԱԳՆ-ը արդեն հանդես է եկել դատապարտող հայտարարությամբ։
Աբսուրդ է իրականում։
Պարզապես հիշեցնենք, որ այսպես կոչված «Շուշիի հռչակագիրը», ըստ էության, մի փաստաթուղթ է, որը իրավական առումով փաստացի ֆիքսում է Թուրքիայի և Ադրբեջանի միջև ռազմաքաղաքական հարաբերությունների աննախադեպ ընդլայնումը, որի արդյունքում թուրք-ադրբեջանական կողմը իրականացնելու է տարածաշրջանում համատեղ գործողություններ։
Օրինակ՝ այսպես կոչված «Զանգեզուրի միջանցք»-ի բացման համար իրենք կիրականացնեն համատեղ քայլեր, կամ նույն հռչակագիրը պարզապես լեգիտիմացնում է Արցախի տարածքների օկուպացիան։ Փաստաթղթի բոլոր… կրկնում եմ բոլոր դրույթները ներկայացնում են Հայաստանի և Արցախի գոյության համար կենսական վտանգ։
«Շուշիի հռչակագիրը» հանդիսանում է իրավական գործիք, որի հիմնական նպատակն է հայկական գործոնի (այսինքն Հայաստանի և Արցախի) ոչնչացումը կամ չեզոքացումը տարածաշրջանում։
Ախր, մարդիկ սևը/սպիտակի վրա դա համարյա գրել են։
Ստացվում է, որ իշխող ուժը համաձա՞յն է թուրքերի և ադրբեջանցիների հետ։ Հա՞։
Իսկ եթե այս հակահայկական փաստաթուղթը չի դատապարտվում իշխանության ներկայացուցիչների կողմից թրքամետ «Խաղաղության դարաշրջանի» հակահայկական կոնցեպտի շրջանակներում, ապա ակնհայտ է դառնում, որ իշխանությունները տանում են մեզ բոլորիս ոչ թե դեպի խաղաղություն, այլ դեպի թուրքական սպանդանոց։
Հիմա հարց։
Իշխանությունները լրիվ գժվե՞լ են, թե մեզ են գժի տեղ դրել։
Թե՞, այնուամենայնիվ ինչ-որ ուրիշ բան կա, բայց մեզ չեն ասում, որ մեր տրամադրությունը չգցեն։
Արման Աբովյանի ֆեյսբուքյան էջից