Չինաստանը դեմ է ՆԱՏՕ-ի ընդլայնմանը
ԵՄ-ում Չինաստանի ներկայացուցչությունը դեմ է ՆԱՏՕ-ի ընդլայնմանը և անօգուտ է համարում ենթադրաբար ձեռնարկված գլոբալ անվտանգության ապահովմանն ուղղված համապատասխան ջանքերը։ Այս մասին ասվում է երեքշաբթի գործակալության կայքում հրապարակված հայտարարության մեջ։ Գրում է ՏԱՍՍ-ը:
«ՆԱՏՕ-ի ընդլայնումը չի օգնի ապահովել աշխարհում անվտանգությունն ու կայունությունը»,- ընդգծվում է հայտարարության մեջ։
Փաստաթղթի համաձայն, դաշինքի նման փորձերը «միայն նպաստում են քաղաքական դաշինքների ձևավորմանը և ռազմական ոլորտում առճակատման առաջացմանը»։ «Մենք կոչ ենք անում ՆԱՏՕ-ին հրաժարվել «սառը պատերազմի» մտածողությունից և գաղափարախոսությունից, հարգանք ցուցաբերել այլ երկրների ինքնիշխանության, անվտանգության և շահերի, նրանց քաղաքակրթությունների, պատմության և մշակույթների տարբերությունների նկատմամբ», – ասվում է հայտարարության մեջ:
«ՆԱՏՕ-ն սառը պատերազմի արդյունք է,- ասվում է այնտեղ,- չինական կողմը կարծում է, որ տարածաշրջանային անվտանգությունը չի կարող ապահովվել ռազմական դաշինքների բռնի ընդլայնմամբ»: Հայտարարության համաձայն՝ Հյուսիսատլանտյան դաշինքը «պետք է ավելի շատ ջանքեր գործադրի միջպետական վստահությունն ամրապնդելու, տարածաշրջանային խաղաղությունն ու կայունությունը իսկապես պաշտպանելու համար»։