Բայդենը զանգահարել է Մակրոնին
ԱՄՆ նախագահ Ջո Բայդենը իր ֆրանսիացի գործընկեր Էմանուել Մակրոնի հետ քննարկել է Ուկրաինայի շուրջ ստեղծված իրավիճակը, նշվում է Սպիտակ տան հաղորդագրության մեջ։
«Նախագահ Բայդենն այսօր զրուցել է Ֆրանսիայի նախագահ Էմանուել Մակրոնի հետ։ Առաջնորդները քննարկել են շարունակվող դիվանագիտական ջանքերը և զսպման միջոցները՝ ի պատասխան Ռուսաստանի կողմից Ուկրաինայի սահմաններին շարունակվող ռազմական կուտակումների»,- ասվում է հրատարակության մեջ։
Բայդենն ու Մակրոնը վերահաստատել են իրենց աջակցությունը Ուկրաինայի ինքնիշխանությանն ու տարածքային ամբողջականությանը։ Նրանք պայմանավորվել են, որ իրենց թիմերը կապի մեջ կլինեն և կշարունակեն խորհրդակցությունները դաշնակիցների և գործընկերների, այդ թվում՝ Ուկրաինայի հետ:
Մոսկվայում Մակրոնը կհանդիպի իր ռուս գործընկեր Վլադիմիր Պուտինի հետ, իսկ երեքշաբթի կժամանի Կիև։ Ֆրանսիայի ղեկավարի խոսքով՝ Ռուսաստան իր այցի նպատակն է կանխել Ուկրաինայի շուրջ իրավիճակի սրումն ու վատթարացումը։ Կրեմլը նշում է, որ նախագահներն առաջին հերթին կքննարկեն անվտանգության երաշխիքները։
