ՌԴ նախագահը հայտարարել է միջազգային իրավիճակում Ռուսաստանի և Չինաստանի կայունացնող դերի մասին
Ռուսաստանի Դաշնությունը և Չինաստանը կարևոր կայունացնող դեր են խաղում ներկայիս միջազգային իրավիճակում, նպաստում են հարաբերությունների համակարգի ժողովրդավարացմանը, կարծում է ՌԴ նախագահ Վլադիմիր Պուտինը։ Գրում է tvzvezda.ru-ը:
«Մեր երկրները կարևոր կայունացնող դեր են խաղում ժամանակակից ոչ այնքան պարզ միջազգային իրավիճակում, նպաստում են միջպետական հարաբերությունների համակարգի ժողովրդավարացման գործընթացներին՝ այս համակարգն ավելի արդար, ներառական դարձնելու համար»,- ասվում է «Սինհուա» լրատվական գործակալության համար ՌԴ ղեկավարի հոդվածում, որը հրապարակվել է Կրեմլի կայքում։
Նույն հոդվածում ՌԴ ղեկավարը հայտարարել է, որ երկու երկրների համագործակցությունը հիմնված է իրավահավասարության, փոխադարձ շահերի ընկալման, քաղաքական և գաղափարական կոնյունկտուրայից և մնացորդներից ազատվելու վրա։
