Դոնեցկի ԱԳՆ ղեկավարը հայտնել է, որ Կիևը Դոնբասում արդեն իսկ կիրառել է արևմտյան զինատեսակ
Ուկրաինան Դոնբասում արդեն իսկ կիրառել է արևմտյան զենք, «ՌԻԱ Նովոստի»-ին տված հարցազրույցում ասել է ինքնահռչակ Դոնեցկի Ժողովրդական Հանրապետության արտաքին գործերի նախարարության ղեկավար, հակամարտության կարգավորման կոնտակտային խմբում լիազորված Նատալյա Նիկոնորովան։
«Բառացիորեն վերջերս ՆԱՏՕ-ի կողմից եղավ նման մղման առաջին դրսևորումը: Մասնավորապես, Ելենովկայում կրակել են էլեկտրական ենթակայանի վրա 60 մմ տրամաչափի զինամթերքով, սա ՆԱՏՕ-ի ստանդարտն է: Ուկրաինան նախկինում նման տրամաչափ չի օգտագործել», – ասել է նա:
Կիևն ավելի ու ավելի շատ ստացած զինատեսակներ է ներքաշում շփման գիծ, և դա հանգեցնում է նոր գնդակոծման, հավելել է նախարարը։ Նրա խոսքով, Արևմուտքն այսպես է ագրեսիա ներշնչում ուկրաինական կողմին։
«Ուկրաինան այժմ մատակարարվում է զենքով, հրահանգիչներով և զինվորականներով, որոնք հաստատ օդում չեն անհետանա»,- ասել է Նիկոնորովան։
Նա կոչ է արել այն երկրներին, որոնք մինսկյան համաձայնագրերի երաշխավոր են, դադարեցնել մատակարարումները և ստիպել Ուկրաինային կատարել պայմանավորվածությունները։
2014 թվականից ՆԱՏՕ-ի երկրները՝ ԱՄՆ-ի գլխավորությամբ, զենք են մատակարարում Ուկրաինային և մարզում են նրա զինվորականներին, ինչն ուղղակիորեն խախտում է մինսկյան պայմանավորվածությունները և բացասաբար է անդրադառնում Դոնբասի կարգավորման վրա։ Ամերիկացիներից բացի՝ միլիարդավոր դոլարների առաքումներին մասնակցում են Մեծ Բրիտանիան, Կանադան, Ֆրանսիան, Լեհաստանը, Թուրքիան, Լիտվան, Չեխիան, Բուլղարիան, Ռումինիան և Էստոնիան։
