Բզկտված ԱՐՑԱԽ. վերադառնալո´ւ ենք

ՊՆ նախկին փոխնախարար Արտակ Զաքարյանը ներկայացնելով թշնամու կողմից բռնազավթված Արցախի Վազգենաշեն գյուղը՝ գրում է․

«ՎԱԶԳԵՆԱՇԵՆ, գյուղ Արցախի Հանրապետության Մարտունու շրջանում, որը Նիկոլի և նրան կցված խունտայի շնորհիվ, ներկայումս ժամանակավորապես գտնվում է Ադրբեջանի «զինված ուժերի» վերահսկողության ներքո։

Համայնքը տեղաբաշխված է հանրապետության հարավային հատվածում։ Այն Մարտունուց  գտնվում է 33 կմ հեռավորության վրա, իսկ Ստեփանակերտից՝ 45 կմ հեռավորության վրա։ Գյուղը նախկինում Հաջիլար անվանումով ընդգրկված է եղել Արևելյան Հայաստանի Ելիզավետպոլի նահանգի Զանգեզուրի գավառում։

Գյուղը հարթավայրային է, ունի 3073,15 հա տարածք, որից 2600,31 հա գյուղատնտեսական նշանակություն, 302,15 հա անտառային հողեր։

Վազգենաշենում կային պատմամշակութային հուշարձաններ՝ Սբ. Աստվածածին եկեղեցին (19-րդ դար) և Շոշկավանքը (17-րդ դար)։

Օկուպացիայից առաջ համայնքի բնակչության թվաքանակը կազմում էր 323 մարդ, գյուղն ունեցել է 59 տնտեսություն։ Բնակչությունը հիմնականում զբաղվում էր գյուղատնտեսությամբ՝ անասնապահությամբ և հողագործությամբ։ Համայնքում գործում էր գյուղապետարան, բուժկետ, միջնակարգ դպրոց, որտեղ սովորում էին 54 աշակերտ»։