Անհրաժեշտ է աշխատել հայ-ադրբեջանական սահմանի սահմանազատման և սահմանագծման ուղղությամբ․ ՀԱՊԿ գլխավոր քարտուղար
Կովկասյան տարածաշրջանում իրավիճակը մնում է համեմատաբար կայուն՝ Ռուսաստանի միջնորդությամբ Հայաստանի և Ադրբեջանի միջև ձեռք բերված պայմանավորվածությունների շնորհիվ։ Այս մասին հայտարարել է ՀԱՊԿ գլխավոր քարտուղար Ստանիսլավ Զասը՝ ՄԱԿ-ի գլխավոր քարտուղարի քաղաքական հարցերով օգնական Միրոսլավ Էնչեյի հետ զրույցում։
«Իրավիճակի հետագա կարգավորման համար անհրաժեշտ է գործնական աշխատանք պետական սահմանի սահմանազատման ու սահմանագծման ուղղությամբ»,- ասել է նա։
