Իրանի և Ռուսաստանի դեմ սահմանված միջազգային պատժամիջոցների չեզոքացմանն ուղղված ջանքերն օրակարգում են. Ամիր Աբդոլահիան
Իրանի ԱԳ նախարարը հայտարարել է, որ առևտրային համագործակցության զարգացումը, երկարաժամկետ համագործակցության ընդլայնումը և միջազգային պատժամիջոցների չեզոքացմանն ուղղված ջանքերն Իրանի ու Ռուսաստանի օրակարգում են: Գրում է ParsToday-ը:
Հոսեյն Ամիր Աբդոլահիանը, որը Մոսկվա կատարած այցի ընթացքում ուղեկցում է ԻԻՀ նախագահ Հասան Ռոհանիին, իր ինստագրամյան էջում գրել է. «Թեհրան-Մոսկվա հարաբերություններում կան տարբեր ռազմավարական հարցեր»:
Աբդոլահիանը նշել է. «Չնայած ԱՄՆ-ի սահմանած հակաիրանական միակողմանի պատժամիջոցներին ու դրանց հետևանքով առաջացած սահմանափակումներին, երկու երկրների մասնավոր և պետական հատվածները ցանկություն ունեն համագործակցել ներմուծման և արտահանման ոլորտներում»:
Նա հավելել է. «Երկու երկրների առևտրային համագործակցության զարգացումը, երկարաժամկետ համագործակցության ընդլայնումը, թույլ ենթակառուցվածքների, ֆինանսական ռեսուրսների և ներդրումների հետ կապված խոչընդոտների վերացումն ու միջազգային պատժամիջոցները չեզոքացնելուն ուղղված ջանքերն օրակարգում են»։
