Իրանի ճանապարհների և քաղաքաշինության նախարարը հանդիպել է Սիրիայի նախագահին
Սիրիայի նախագահ Բաշար Ասադը և Իրանի ճանապարհների և քաղաքաշինության նախարար Ռոստամ Ղասեմին, Դամասկոսում կայացած հանդիպման ընթացքում, քննարկել են Թեհրան-Դամասկոս հարաբերությունները, հատկապես տնտեսական համագործակցությունը, և ընդգծել պետական և մասնավոր հատվածների միջև համագործակցության անհրաժեշտությունը։ Գրում է ParsToday-ը:
Սիրիայի նախագահի մամուլի գրասենյակի հաղորդագրության համաձայն, Բաշար Ասադն առաջարկել է իրականացնել տնտեսական նոր ծրագրեր՝ երկու երկրների ընդհանուր ռազմավարական շահերն ապահովելու նպատակով։ Նա հավելել է, որ նման ծրագրերն իրար կմիացնեն երկու երկրների տնտեսական հատվածներն ու շուկաները:
Կողմերը քննարկել են Թեհրանի և Դամասկոսի հարաբերությունները, հատկապես՝ տնտեսական ոլորտում և ընդգծել երկու երկրների պետական և մասնավոր հատվածների միջև համագործակցության անհրաժեշտությունը։
Ռոստամ Ղասեմին վերահաստատել է Իրանի սկզբունքային դիրքորոշումն ահաբեկչության դեմ պայքարում Սիրիայի ժողովրդին աջակցելու հարցում:
