Արարատի մարզպետը կազատվի պաշտոնից. մարզպետ կնշանակվի նրա որդին
Արարատի մարզպետ Ռազմիկ Թևոնյանը կազատվի պաշտոնից: Այս հարցն ընդգրկված է հունվարի 13-ի կառավարության նիստի չզեկուցվող հարցերի թվում:
Չզեկուցվող հարցերի շարքում է նաև նոր մարզպետի նշանակումը: Արարատի նոր մարզպետ կնշանակվի նախկին մարզպետի որդին` Սեդրակ Թևոնյանը:
Հիշեցնենք, որ Սեդրակ Թևոնյանը հունվարի 4-ին էր վայր դրել մանդատը:
Ռազմիկ Թևոնյանն էլ մարզպետ էր նշանակվել 2020 թվականի դեկտեմբերի 10-ին, այնուհետև 2021 թվականի սեպտեմբերի 9-ին հրաժարական էր տվել, ու օրեր անց հետ էր վերցրել հրաժարականի դիմումը: