9 ամսում Թուքիան Ադրբեջանի հետ 4-րդ զորավարժությունն է անցկացնում․ ինչը փաստում է, որ նրանք ունեն հստակ վախեր տարածաշրջանային ձևաչափերի ապագայի հանդեպ. «Հայաստանի Հանրապետություն»
«Հայաստանի Հանրապետություն» թերթը գրում է. «Ինն ամսվա ընթացքում Թուքիան Ադրբեջանի հետ արդեն 4-րդ զորավարժությունն է անցկացնում: Տարածաշրջանային համագործակցության ընդլայնման մասին անընդհատ հայտարարող այս երկու պետությունների նման վարքն իրականում փաստում է, որ նրանք ունեն հստակ վախեր իրենց իսկ նախաձեռնությամբ ռազմական ճանապարհով ձևավորած տարածաշրջանային ձևաչափերի ապագայի հանդեպ:
Ռազմական ճանապարհով տարածաշրջանային ձևաչափերի պահպանման ձգտումից զատ, ակնհայտ է, որ Թուրքիան այս կերպ Ադրբեջանից հետ է պահանջում այն գինը, որը վերջինս պարտավորվել էր իրեն վճարել Արցախյան պատերազմի ելքը որոշելու համար:
Նման զորավարժությունների միջոցով իրականում ադրբեջանական բանակը սերտաճում է թուրքականի հետ: ՌԴ Զինված ուժերի հետ ուժեղացնելով ինտեգրման գործընթացները և չմերժելով տարածաշրջանային համագործակցության առաջարկվող ձևաչափերը՝ Հայաստանը, այնուամենայնիվ, պարտադրված է արագ վերականգնել սեփական սպառազինությունը և այն համապատասխանեցնել ժամանակի պահանջներին»:
Նյութն ամբողջությամբ կարդացեք թերթի այսօրվա համարում:
