«Իսկանդերի»՝ Շուշիին հասցված հարվածի հետևանքով կարող էր մինչև 500 ադրբեջանցի զինվորական զոհվել․ Wargonzo
Շուշիին հասցված «Իսկանդերի» հարվածի հետևանքով կարող էր մինչեւ 500 ադրբեջանցի զինվորական զոհվել: Այս մասին հայտնում է @wargonzo տելեգրամ ալիքը՝ հղում անելով երկրի ուժային կառույցներում աղբյուրներին:
«Հարվածը հասցվել է մի օբյեկտի, որտեղ Արցախի Պաշտպանության բանակի հետախուզությունը հայտնաբերել է հակառակորդի մեծ թվով ուժեր»: «Հրետակոծության ընթացքում, որի ժամանակ օգտագործվել է «Իսկանդերը», նկուղում մոտ 500 ադրբեջանցի զինծառայող է եղել: Նրանց մի մասը թուրքամետ ահաբեկչական խմբավորումների վարձկաններ էին, որոնք սակայն Ադրբեջանի փաստաթղթեր են ունեցել: Զոհվածների մարմինները մի քանի օր հանել են փլատակների տակից: Սակայն Բաքվի պաշտոնական ներքին զեկույցներում այլ թվեր կարող են լինել: Սպանված զինյալների վերաբերյալ տվյալներն, իհարկե, վիճակագրությունն ինքնին չեն լրացնում: Սակայն, ընդհանուր առմամբ, «Իսկանդեր» հրթիռային համակարգերի արդյունավետության մասին կասկածներ լինել չեն կարող: Չնայած հայ բարձրաստիճան անձանց օդիոզ հայտարարություններին: Միայն անհասկանալի է, թե ինչու է «Իսկանդերը» օգտագործվել միայն մեկ անգամ»:
