Ալեն Սիմոնյանը փորձել է կապի դուրս գալ Արթուր Վանեցյանի հետ․ Dejavu
«Իմ քայլը» խմբակցության պատգամավորները վերջերս բավականին նեղսրտած են, քանի որ չեն պատկերացնում՝ ինչ է լինելու իրենց ճակատագրի հետ, եթե Նիկոլ Փաշինյանը իրոք հրաժարական տա, և Ազգային ժողովը լուծարվի ։ Այս մասին հայտնում է տելեգրամյան Dejavu ալիքը՝ հղում անելով խմբակցության իր աղբյուրին։
«Իմ քայլում» մեծամասնությունը վստահ է, որ ապագա խորհրդարանում, որքան էլ որ պատգամավոր կարողանան անցկացնել, միեւնույն է իշխանություն չեն լինելու ու իրենց «կուտեն»։ Dejavu–ի աղբյուրը պատմել է, որ ԱԺ նախագահ Արարատ Միրզոյանը իր անձնական տափուկ պլաններն է մշակում, եւ գրեթե չի զբաղվում այլ հարցերով, ու քիչ է շփվում թիմակիցների հետ, իսկ փոխխոսնակ Լենա Նազարյանը, գրեթե միշտ իր սորոսական ընկերների հետ է եւ մտածում են՝ ինչ կարելի է անել, այդ իրավիճակում հայտնվելուց հետո։
Տելեգրամյան Dejavu ալիքը հաղորդում է նաև, որ ԱԺ իշխանական մյուս փոխնախագահը՝ Ալեն Սիմոնյանը, ընդհանրապես ընկած է դռնեդուռ։ Նա հաճախ շփվում է օլիգարխ Խաչատուր Սուքիասյանի հետ, որը նրան խոստացել է, որ ինքը լինելու է ցուցակում 5-րդ համարի ներքո, իրեն ևս մի տեղ կտեղավորի, ինչ էլ լինի, ո՞վ էլ գա, ինքը իր վրա է վերցնում՝ կպայմանավորվի, Ալենի համար ևս։ Սակայն Ալեն Սիմոնյանը այդքան էլ հակված չէ մի մարդու վրա հույս դնել, նա անգամ արտահայտվել է, թե՝ կարող ա Սուքիասյանը իսկի իր հարցերը չկարողանա լուծի, իմ մասին էլ կմոռանա, կամ ընդանհրապես կգցի։ Փորձել է կնոջ միջոցով պայմանավորվել և Վանեցյան Արթուրի հետ խոսել՝ հարաբերությունները վերականգնելու նպատակով։ Իր կնոջ միջոցով, ով դեռ վաղուցվանից Վանեցյանի կնոջ՝ Նոնայի հետ ընկերուհիներ են՝ խաբար է հասցրել, թե կարող ա՞ հանդիպենք։ Սակայն Վանեցյանը, ասել է՝ «․․․դրան ասա թող ս․․ր լինի, էտի մարդ չի, անաղուհաց գյադա դուրս էկավ։
