Իրանի արտգործնախարարը մեկնում է Ստամբուլ
Իրանի արտգործնախարար Մուհամադ Ջավադ Զարիֆն այսօր՝ մարտի 19-ին կմեկնի Թուրքիա։
Այս մասին, ermenihaber-ի հաղորդմամբ, տեղեկացնում է Թուրքիայի արտգործնախարարությունը։
«Այցի շրջանակներում նախատեսվում է քննարկել ինչպես Թուրքիա-Իրան երկկողմ հարաբերությունները, այնպես էլ տարածաշրջանային և միջազգային զարգացումները»,- ասված է արտգործնախարարության հայտարարության մեջ։
Դիվանագիտական աղբյուները հայտնում են, որ Զարիֆն այց է կատարելու Ստամբուլ։