Մարտունու շրջանի հարավ-արևելյան թևից հայտնաբերել և տարհանել են 3 զոհված զինծառայողի աճյուն. Արցախի ԱԻՊԾ
ՆԳ նախարարության ԱԻ պետական ծառայության փրկարարական ջոկատներն այսօր որոնողական աշխատանքների արդյունքում Մարտունու շրջանի թշնամու վերահսկողության տակ անցած հարավ-արևելյան թեւից հայտնաբերել և տարհանել են ևս 3 զոհված զինծառայողի աճյուն: Այս մասին հայտնում է ԱՀ Արտակարգ իրավիճակների պետական ծառայությունը։
«Վարանդայի (Ֆիզուլի) ուղղությունում աշխատանքներն արդյունք չեն տվել:
Որոնումները կշարունակվեն վաղը՝ Հադրութի շրջանում:
2020 թվականի նոյեմբերի 13-ից առ այսօր Արցախի վերահսկողությունից դուրս գտնվող տարածքներից հայտնաբերվել է ընդհանուր 1502 աճյուն»,- նշվում է Արցախի ԱԻՊԾ-ի հաղորդագրության մեջ։
