Արա Աբրահամյանը միջազգային մրցանակ է հանձնել ռուս լրագրող և զինթղթակից Սեմյոն Պեգովին
Ռուսաստանում Հայերի միության նախագահ Արա Աբրահամյանը լրագրող, WarGonzo նախագծի հեղինակ և զինթղթակից Սեմյոն Պեգովին հանձնել է «СОГЛАСИЕ-2020» միջազգային մրցանակը: Այս մասին հայտնում է ՌԴ-ում Հայերի միության մամուլի ծառայությունը:
Ինչպես հաղորդվում է, մրցանակը Պեգովին հանձնվել է «Կյանքը որպես կոչում» անվանակարգում: Մրցանակը հանձնվել է «Ցեղասպանությունը և Առաջին աշխարհամարտը. միջազգային պայմանագրեր. պատմական զուգահեռներ» խորագրով համաժողովի ժամանակ, որը Հայերի միությունը կազմակերպել է՝ խորհրդային Ռուսաստանի և քեմալական Թուրքիայի միջև կնքված Մոսկովյան պայմանագրի 100-ամյակի առթիվ:
