Քոչարյանը Ռուսաստանի մեծ բարեկամ է, բայց անհեթեթ է միտքը, թե նա Մոսկվայի հետ համաձայեցնում է իր քայլերը. Պեսկով
ՌԴ նախագահի խոսնակ Դմիտրի Պեսկովը ՀՀ երկրորդ նախագահ Ռոբերտ Քոչարյանին բարեկամ քաղաքական գործիչ է անվանել: Այս մասին հայտնում է «ՌԻԱ Նովոստին»: Պեսկովն աբսուրդային է համարել միտքը, թե Քոչարյանը Մոսկվայի հետ է համաձայնեցնում իր գործողությունները, մասնավորապես` Հայաստանի քաղաքական կյանքում մասնակցելու իր ցանկության հետ կապված քայլերը:
«Հայաստանի քաղաքական գործընթացների մասնակիցները կարիք չունեն իրենց գործողությունները համաձայնեցնել ՌԴ նախագահի հետ: Սա հարցի բացարձակ աբսուրդ ձևակերպում է: Ինքը` Ռոբերտ Սեդրակովիչը, իհարկե, Ռուսաստանի մեծ բարեկամ է: Նա Հայաստանի շահի, ՌԴ հետ փոխհամագործակցությունը հետագայում ևս զարգացնելու և խորացնելու համոզված ջատագովն է: Նա մարդ է, ով քիչ ջանքեր չի ներդրել իր երկրի զարգացման համար, մենք գոհունակությամբ փաստում ենք, որ Հայաստանի քաղաքական գործիչների մեծամասնությունը մեր երկրի` Ռուսաստանի հետ հարաբերությունների հետագա ամրապնդման կողմնակիցն են: Դա մեզ համար կարևոր է»,- ասել է նա:
