Ո՞վ է իրականում կազմակերպել Վարդազարյանին նեղելու օպերացիան

«Դեժավյու» թելեգրամյան ալիքը գրում է. «Այսօր ԲԴԽ նախագահ Ռուբեն Վարդազարյանն խորհրդարանում էր և իմքայլական պատգամավորները, պլանավորված ու «պասերով հարձակվեցին» նրա վրա, տարատեսակ հարցերով, վիրավորանքներով և այլ։

«Դեժավյու»-ի տեղեկություններով, այսօրվա պառլամենտական շոուն երեկ երեկոյան պլանավորվել է, ամենայն մանրամասներով։ Այդ պրոցեսին մասնակցել են այսօրվա հարց տվող պատգամավորները՝ Հրաչյա Հակոբյանը /աներձագ/, Քրիստինե Պողոսյանը, Վաղարշակ Հակոբյանը, Արեն Մկրտչյանը և հատուկ հրավիրված ԲԴԽ անդամ Գագիկ Ջհանգիրյանը, որի նախաձեռնությունն է և եղել այդ հանդիպումը։

Ջհանգիրյանը լսել է թե ինչ հարցեր են ուզում տալ «Իմ քայլի» պատգամավորները, առաջարկել է այլ հարցեր նաև իր կողմից։ Պատգամավորները թուղթ ու գրիչով, գրանցել են Ջհանգիրյանի առաջարկած «նյարդայնացնող» հարցերը, որոնց մեջ է եղել Վարդազարյանի որդուն վերաբերող հարցը, որը որոշել են տալ Արման Բաբաջանյանին, որը հանդիպմանը մասնակցելուց չի եղել, սակայն ներկա պատգամավորները վստահեցրել են, որ նա սիրով կմասնակցի Վարդազարյանին «նեղելու» օպերացիային»։