Հայաստանյան գեներալիտետը «կարմիր քարտ» է ցույց տվել Փաշինյանին. EurAsia Daily
Ռուսական EADaily լրատվական կայքն անդրադարձել է ՀՀ ԶՈՒ գլխավոր շտաբի կողմից Նիկոլ Փաշինյանի հրաժարականի պահանջին:
Անդրադարձում մասնավորապես ասվում է, որ Գլխավոր շտաբի պետ, գեներալ-գնդապետ Օնիկ Գասպարյանի, նրա բոլոր տեղակալների, ստորաբաժանումների ղեկավարների և բոլոր խոշոր ռազմական կազմավորումների հրամանատարների կողմից ստորագրված հայտարարության մեջ ասվում է, որ հայ գեներալները վճռական բողոք են հայտնում կառավարության ղեկավարի անհեռատես և չարդարացված քայլերի, մասնավորապես՝ Գլխավոր շտաբի պետի առաջին տեղակալ Տիրան Խաչատրյանի պաշտոնանկության դեմ:
Զինվորականները կարծում են, որ Խաչատրյանին պաշտոնանկ անելու որոշումը կայացվել է առանց Հայաստանի ազգային և պետական շահերը հաշվի առնելու, բացառապես անձնական ամբիցիաների հիման վրա:
«Նման դժվար պայմաններում այս որոշումը հակապետական և անպատասխանատու քայլ է»,- ասվում է հայտարարության մեջ:
Հայտարարության մեջ նշվում է, որ Փաշինյանը և նրա կառավարությունն այլևս ի վիճակի չեն ադեկվատ որոշումներ կայացնել ներկայիս կարևոր և կրիտիկական պահին: