Խաչատուր Սուքիասյանը գնել է RAN oil-ը. «տեռորի» միջոցով մենաշնորհ է հաստատում բենզինի շուկայում․ «Մեդիապորտ»
Խաչատուր Սուքիասյանը գնել է RAN oil-ը. «տեռորի» միջոցով մենաշնորհ է հաստատում բենզինի շուկայում։ Այս մասին գրում է «Մեդիապորտ» թելեգրամյան ալիքը։
Նիկոլ Փաշինյանի մերձավոր օլիգարխ Խաչատուր Սուքիասյանը գնել է բենզինի և դիզվառելիքի վաճառքով զբաղվող RAN oil ընկերությունը և արագ տեմպերով մենաշնորհ է հաստատում ոլորտում։
«Մեդիապորտի տեղեկություններով, Սուքիասյանի պահանջով՝ ՊԵԿ-ն ու ԱԱԾ-ն սուգումներով և տուգանքներով բառացիորեն տեռորի են ենթարկում վառելիքի վաճառքով զբաղվող մյուս ընկերություններին, ինչպես նաև վերջինս ավելի խոշոր գումար է առաջարկում մրցակից ընկերությունների բենզալցակայանների տարածքների սեփականատերերին՝ մրցակցիներին շուկայից դուրս մղելու և քաղաքի բանուկ հատվածներում սեփական բենզալցակայանները հիմնելու համար։
