Նիկոլն իհարկե տականք է և դավաճան, բայց կան մարդիկ, որոնք իրենց էությամբ շատ ավելի վտանգավոր են նիկոլից․ Աթանեսյան
Փաստաբան Տիգրան Աթանեսյանը ֆեյսբուքյան իր էջում գրում է․
«Վերջին ժամանակներում շատ իրավաբաններ ներկայացնում են իրավապահ մարմիններին հաղորդումներ հանցագործության մասին, որոնցում նկարագրվում են ազգադավ տականքի որոշ հանցագործություններ:
Իրավապահ կոչվող մարմինները, իհարկե, մերժում են այդ հաղորդումներով քրեական գործերի հարուցումը, որից հետո տեղի է ունենում այդ որոշումների, գործողությունների կամ անգործությունների բողոքարկումներ:
Ընթացիկ բողոքարկումները դեռևս արդյունքներ չունեն, կամ ունեն՝ իահրկե բացասական արդյունքներ:
Առաջին հայացքից այդ հաղորդումները ազգանվեր գործողություններ են, սակայն իրավական վերլուծության դեպքում դրանք ոչ միայն որևէ կերպ օգտակար չեն, այլ նաև խիստ վտանգավոր:
Բացատրեմ ինչումն է խնդիրը՝
ՀՀ քրեական դատավարության օրենսգրքի 21 հոդվածի 3-րդ և 4-րդ մասերը սահմանում են՝
3․Քրեական հետապնդման մարմնի՝ գործի վարույթը կարճելու, քրեական հետապնդումը դադարեցնելու կամ քրեական հետապնդում չիրականացնելու մասին որոշման առկայությունը բացառում է քրեական գործը նորոգելը, եթե այն կարող է հանգեցնել անձի վիճակի վատթարացման, բացառությամբ սույն հոդվածի չորրորդ մասով նախատեսված դեպքերի:
4․Դատախազը քրեական գործը կարճելու, քրեական գործ հարուցելու կամ քրեական գործի հարուցումը մերժելու մասին հետաքննության մարմնի կամ քննիչի կայացրած որոշումը կարող է վերացնել որոշման պատճենը ստանալու պահից 7 օրվա ընթացքում: Դրանից հետո քրեական հետապնդման մարմնի՝ գործի վարույթը կարճելու, քրեական հետապնդումը դադարեցնելու կամ քրեական հետապնդում չիրականացնելու մասին որոշումը կարող է վերացվել մեկ անգամ և միայն գլխավոր դատախազի կողմից՝ այդպիսի որոշում կայացնելուց հետո` վեց ամսվա ժամկետում:
Ստացվում է այնպես, որ որոշումների դատախազական վերահսկողության կարգով չվերացվելու, ինչպես նաև դատական կարգով բողոքարկելու կարգով չվերացվելու դեպքում, իրավական առումով դառնում է անհնարին քրեական հետապնդման իրականացումը:
Սա նշանակում է, որ հաջորդ իշխանությունը կամ պետք է խախտի օրենքը, կամ դիմի կեղծ և ապօրինի մեթոդների՝ տականքներին արդարացի պատժի ենթարկելու հարցում:
Երկու դեպքում էլ նման հետապնդումները կդառնան խիստ խոցելի, թեպետ կլինեն իրենց էությամբ արդար և օրինական:
Ես կոչ եմ անում իմ բոլոր գործընկերներին այս փուլում զերծ մնալ ազգադավ տականքի հանցագործությունների վերաբերյալ հաղորդումներ ներկայացնելուց՝ զուտ իրավական առումով դրանց հետագա իրականացումը անհնարին չդարձնելու համար:
Կոչ եմ անում նաև իմ ազնիվ գործընկերներին բացառել պատեհապաշտ սրիկաներին այդ հարցերով ՓիԱռ-վելու հնարավորություն ընձեռելուց:
Հիշեք նաև, որ նիկոլը իհարկե տականք է և դավաճան, բայց հենց հիմա ձեր կողքին կան մարդիկ, որոնք առերևույթ թեպետ փնթի չեն և կոստյումներով են, բայց իրենց էությամբ շատ ավելի վտանգավոր են նիկոլից և նրա քայլարաստներից»: