ԱԱԾ-ը քաղաքացիներին զրկում է տեղեկատվություն ստանալու իրավունքից․ ՄՊ

Հայաստանի Հանրապետության ազգային անվտանգության ծառայության սահմանապահ զորքերի հայտարարության համաձայն՝ լրատվամիջոցներն այսուհետ հատուկ թույլտվություն պետք է ունենան ՀՀ Սյունիքի մարզի սահմանային հատվածների վերաբերյալ հրապարակումներ անելու համար։

«Մեդիա պաշտպան» նախաձեռնությունը այս որոշումը համարում է խոսքի ազատության դեմ ուղղված ամենապարզունակ քայլը։ ԱԱԾ սահմանապահ զորքերը, փաստորեն, կատարում են իշխանությունների կամքը։ Վերջիններս ցանկանում են սահմանափակել խոսքի ազատությունը, որպեսզի պարբերաբար զիջվող տարածքների մասին տեղեկատվությունը լայն տարածում չունենա։

«Մեդիա պաշտպան» նախաձեռնությունը պահանջում է չխախտել օրենքը և քաղաքացիներին չզրկել տեղեկություն ստանալու՝ Սահմանադրությամբ սահմանված իրավունքից: