Իսրայելը հրթիռային հարվածներ է հասցրել Սիրիային
Սիրիական հակաօդային պաշտպանությունը հետ է մղել իսրայելական հարձակումը երկրի հարավային շրջանների վրա: Այս մասին փետրվարի 3-ին հայտարարել է SANA գործակալությունը:
Գործակալության տվյալների համաձայն՝ հրթիռային հարվածներ են հասցվում սիրիական բանակի դիրքերին Ալ Կունեյտրա նահանգում և մայրաքաղաքի հարավային մերձակայքում:
Al Hadath հեռուստաընկերությունը հաղորդել է հրթիռների պայթյունների մասին Դամասկոսի միջազգային օդանավակայանի տարածքում, ինչպես նաև Էլ-Կիսվայի ծայրամասում գտնվող 4-րդ էլիտար դիվիզիայի մոտ: Իսրայելի ռազմաօդային ուժերի մյուս թիրախներն էին Սահնայի արվարձանում տեղակայված ռազմական օբյեկտները և Էլ Հիմում գտնվող հետազոտական կենտրոնը: