Չեչնիան դեմ է միասեռական ամուսնությունների կողմնակից Նավալնուն. Կադիրով
Չեչնիայի Հանրապետության ղեկավար Ռամզան Կադիրովը բարձրաձայնել է տարածաշրջանի դիրքորոշումը ռուս ընդդիմադիր գործիչ Ալեքսեյ Նավալնու նկատմամբ և վիրավորանքներ է հնչեցրել Մոսկվայի պետական համալսարանի չեչեն ուսանող Սայիդ Մուհամադ Ջումաևի հասցեին, որը հաջակցություն Նավալնուն՝ ցույցի ժամանակ դիմադրություն է ցույցաբերել ուժայիններին: Այս մասին տեղեկանում ենք «Կոմերսանտ» պարբերականից:
«Որտե՞ղ եք տեսել, որ վախկոտ շնագայլին հերոս համարեն: Տեսե՞լ եք այդպիսի բան: Ես երբեք չեմ տեսել: Եթե տղամարդ է, պետք է չփախչեր, պետք է ասեր` «սա իմ դիրքորոշումն է, և ես իմ դիրքորոշումը պաշտպանում եմ, ինչպես կարողանում եմ: Նստեցրեք ինձ, եթե ես օրենք եմ խախտել կամ հանցագործություն եմ կատարել» և գնար մինչև վերջ»,-ասել է Կադիրովը չեչեն ուսանողի մասին:
Կադիրովի խոսքով` «չեչեն ժողովրդից ոչ ոք դուրս չի գալիս Նավալնու պաշտպանության ցույցերին»:
«Նավալնին ո՛չ հեղինակություն ունի, ո՛չ էլ այլ բան: Իրեն չեչեն համարող մարդը չի կարող աջակցել նրան, քանի որ Նավալնին ողջունում է միասեռական ամուսնությունները»,-ասել է Չեչնիայի ղեկավարը:
Հիշեցնենք, որ ընդդիմադիր Ալեքսեյ Նավալնու կողմնակիցներն օրերս լայնամասշտաբ ակցիաներ էին անցկացրել Մոսկվայում: Նրանք պահանջում էին ազատ արձակել երեքուկես տարվա ազատազրկման դատապարտված Նավալնուն:
