Դուբայում կստեղծվի տիեզերքին առնչվող գործերով զբաղվող աշխարհում առաջին դատարան
Դուբայի իշխանությունները ստեղծում են տիեզերական դատարան, որի նպատակն է տիեզերական ոլորտում առաջացող առևտրային վեճերի կարգավորումը: Այս մասին տեղեկացնում է Դուբայի միջազգային ֆինանսական կենտրոնը:
2021 թվականին Դուբայի միջազգային ֆինանսական կենտրոնի և Դուբայի ապագայի հիմնադրամի դատարանները կսկսեն նոր նախաձեռնություն՝ «Ապագայի դատարաններ»` կյանքի կոչելով տիեզերական դատարանները:
Նոր արբիտրաժային դատարանը մասնագիտանալու է մասնավոր ընկերությունների տիեզերական գործունեության, մասնավորապես` արբանյակների գնման կամ Երկրի ցածր ուղեծրում սարքերի բախման շուրջ տարաձայնությունների ոլորտում:
Այս որոշումը թելադրված է տիեզերական արդյունաբերության ոլորտում ԱՄԷ-ի վերջին տարիների առաջընթացով: